En la sekvaj bildoj mi montras ke mi realigis komencan version de interfaco por mapigi tri-gramojn ĉirkaŭ liga vorto tiamaniere, ke sago inter x kaj y signifas ke ie en la tekstaro aperis la fraz(part)o “x [liga vorto] y”. Oni do povas tuj vidi, kiom ofte la liga vorto sekvas al kiuj vortoj kaj renverse, oni tuj vidas ĉu ekzistas “preferataj” vortoj antaŭ aŭ post la liga vorto, ktp.
Alklaki bildojn por pli granda versio, kie oni povas legi la mapon.
Imageblas multaj plibonigoj, ekz.e trakti ĉion kvazaŭ minuskle, forpreni punktecajn signojn, montri oftajn vortojn pli grande, montri oftajn konektojn pli dike, forfiltri trooftajn neŝanĝeblajn vortojn kaj tro maloftajn negravajn vortojn, pli bone selekti la fontan tekstaron por krei frazan reton, kaj multaj aliaj pensoj. Estus bone se oni povus selekti certan regionon el la ligilomapo aŭ el la adresspacmapo per musa gesto por krei la frazan reton el ĝuste la selektita maporegiono.